السبت 20 أبريل/نيسان 2024
ليه بتعبر عن سعادتك بنفس الطريقة اللي بيعبر بيها واحد من الصين ؟
رغم إننا بنتكلم لغات مختلفة
سألت نفسك قبل كده.. انت اللي بتتحكم في مشاعرك ولا مشاعرك اللي بتتحكم فيك ؟
زمان كانوا بيقولوا من جاور السعيد يسعد
لإن الضحكة بتتنقل لنا بالعدوى
كنا فاكرين إنها أمثال قالوها أجدادنا بالفطرة
لكن مع مرور الوقت اكتشفنا
إن المشاعر والانفعالات لما بتربط مجموعة من البشر بتأثر عليهم بشكل جمعي
يعني الاكتئاب ممكن ينتقل ليك بقربك من شخص مكتئب
وممكن تضحك بكل سهولة لو كنت في محيط كل اللي فيه بيضحكوا
هنا بتبدأ هرمونات الإندورفين اللي بيفرزها جسمك بسبب الضحك
تخفف من ضغط الألم
ألمك النفسي و الجسدي
ولما بتستقبل مسبب للسعادة،، زي الموسيقى أو إنك تكون وسط ناس طاقتهم ايجابية
مخك بيفرز مادة الدوبامين
ودي اللي بتخليك تحس بدفيء و مشاعر فياضة
المشاعر ساعدت البشر على التواصل في عصور ما قبل التاريخ
قبل ما يكون في بينهم لغة للكلام
انفعالاتهم كانت هي السبيل الوحيد للتعبير
الضحكة لها معني واحد في كل اللغات
والدموع كمان
إحساسك هو الحاجة الوحيدة اللي بيسمحلك ترتبط بغيرك بدون ما يكون في لغة بتجمعكم
وعشان كده لازم تعرف إن مشاعرك قادرة توجهك بشكل كامل في حكمك على كل حاجة حواليك
لو اتقدملك أكل شهي بالشكل ده حتقدر تاكله ؟
الإجابة ببساطة.. لأ
لإن مشاعرك بالاشمئزاز اتغلبت على جوعك
فمش لازم نستهين بمشاعرنا لإنها بتتحكم فينا
ومن خلالها بنقدر نحكم على البشر و المواقف
ونبص منها على العالم الواسع