طالب رجل الأعمال المصري نجيب ساويرس أبناء بلده بالصبر على قرارات رفع أسعار المحروقات.
وقال ساويرس في تغريدة نشرها عبر حسابه على تويتر إنه لا يطلب الصبر لأنه "مرتاح" أي مقتدر مادياً، لكن الدواء مر.
طبعا الغلا صعب لكن اللى عايزين يصطادوا فى الميه العكرة أصعب .. فنصبر معلش … و بكره ان شالله أحسن ..و انا مش بقول كده علشان انا مرتاح لا … بس دايما العلاج مر …
— Naguib Sawiris (@NaguibSawiris) June 16, 2018
لكن التعليقات كانت ساخطة من تغريدة رجل الأعمال، إذ بدأ متابعوه بالشكوى من تأثير هذه القرارات على حياتهم بشكلٍ كبير، وعدم قدرتهم على تحمل التبعات.
انا محتاجه ١٥ جنيه مواصلات بس كل يوم علشان اروح كليتى ، منغير اى اكل شرب او تصوير ورق او شراء كتب او الهدوم الى هروح بيها !
تفتكر هعمل اى غير انى هبطل اروح الكليه علشان مش هعرف اخد من بابا ٢٥جنيه يوميا ١٠ منهم للاكل ! علشان بنزل من ٨ ل ٦ ،
و ابويا على باب الله مش موظف حكومه !— Esraa Elkondkly (@esraaelkondkly) June 16, 2018
التويته بس والله مكفتش اقول فيها انى كمان مريضه سكر و مش معايا غير تمن الانسولين المصرى الغالى ابو ٣٠ جنيه ، ولا علاج القلب و السكر برضه لامى و لا علاج اعاقة اختى الى مدى الحياه.. بعيدا عن كل ده و الحمد لله محدش فينا محتاج حاجه علشان ربنا بس موجود متزايدوش على الغلابه الى زينا
— Esraa Elkondkly (@esraaelkondkly) June 16, 2018
فيما تساءل آخرون عن كيفية أن يكتب مليونير تغريدة يطلب فيها من الفقراء تحمل المزيد من الفقر.
هو انت متخيل منظرك كمليونير بتقول للفقراء يصبرو عامل ازاي؟ امسح التويت دي والنبي وكفاية تهزيق و انعدام حساسية وخرا
— Israa? (@ra2_281) June 16, 2018
طبعا حضرتك عمرك ما جربت المهانة و الذل و اهدار الذات اللى بيعيشهم المواطن ابمصري فى المواصلات مش بس عمرنا بيروح ارواحنا بتموت كل يوم من حجم المعاناة
علاج ؟! ممكن اسأل بقي سؤال فين عائدات الترعة اوه سوري قناة السويس الجديدة ؟ و المؤتمر الاقتصادي ؟ و تبرعات صندوق تخيا مصر ؟ يتبع— صدفة بعضشى #مصرية???????? (@SodfaBa3dechi) June 17, 2018
ايه العك ده ياستاذ ومين هيصطاد فى الماء العكر ده …بلاش النغمه دى ودتنا فى داهيه …الناس جابت اخره ..انت لو كلت من الزباله ومش عارف تدفع كهربا ولا ميه ولا ايجار شقه مش هتقول كده
— ثـورة 25 ينـاير 2011 (@sawra11) June 17, 2018
وسخر مغردون غيرهم من تعليق ساويرس كونه رجل أعمال عن زيادة لن يشعر أو يتأثر بها بدرجة كبيرة.
" وأنا مش بقول كده علشان أنا مرتاح لا" pic.twitter.com/MC6gUVJVTx
— ريــمٓـا ? (@RemaSaudi) June 16, 2018
بينما طالبه آخرون بالتبرع بجزء من ثروته لمصر لحل هذه المشاكل.
اتبرع بنص ثروتك لمصر انت وكل اللي زيك ساعتها هتبقو حليتو مشاكل البلد وفضلتًو مرتاحين بردو
— Gogy (@jejemohamed4) June 17, 2018
تأتي هذه التعليقات كون ساويرس يعد من أغنى رجال الأعمال في العالم، وسليل أغنى عائلة في مصر، إذ تقدر ثروته بنحو 4.2 مليار دولار بحسب قائمة مجلة "فوربس-Forbes" الأميركية.
فيما تبلغ ثروة شقيقه ناصف ساويرس 7 مليارات دولار، وقد احتل المرتبة 251 عالمياً ضمن قائمة أغنى أثرياء العالم لعام 2018، بحسب المجلة نفسها.
يذكر أن الحكومة المصرية أصدرت قراراً برفع أسعار الوقود بنسب تصل إلى أكثر من 60%، السبت 16 يونيو/حزيران 2018 الذي وافق ثاني أيام عطلة عيد الفطر. وبذلك تكون مصر قد رفعت أسعار الوقود للمرة الثالثة في أقل من عامين.
وقد تضمنت الزيادات رفع سعر البنزين 92 أوكتيناً نحو 35% والبنزين 95 بنسبة 17.4%.
وتقرر أيضاً رفع سعر أسطوانات الطهي 66.6% وسعر السولار والبنزين 80 أوكتيناً الأقل جودة 50% وهي الزيادة الأكثر تأثيراً على شرائح واسعة من المصريين نظراً لاستخدامهما في أغلب وسائل النقل والمواصلات العامة والخاصة.
فيما تأتي زيادة أسعار الوقود بعد أيام قليلة من زيادة أسعار الكهرباء والمياه ومترو الأنفاق وعدد من الخدمات المقدمة للمواطنين في إطار إصلاحات تقول الحكومة إنها ضرورية لمعالجة عجز الميزانية ووضع الاقتصاد على مسار النمو، لكنها تزيد العبء على كاهل المصريين.