الديتوكس مُجرد وَهْم

في سنة 2009 في مؤتمر بحثي جمعوا 15 من مُصنّعي منتجات الديتوكس الشهيرين المتداولة في الصيدليات والسوبرماركت، والباحثين سألوهم "ما هو تعريفكم للديتوكس؟".
لم يكن عند أي منهم أي إجابة واضحة محددة!

هذا جزء من حدث تم ذكره في جريدة الغارديان في سنة 2014 في مقالة تتحدث عن الديتوكس هل هو حقيقي أم مجرد خدعة؟

الديتوكس لمَن لا يعلم، هو تريند ظهر مؤخراً عديم الجدوى للتخسيس، عبارة عن قطع فاكهة أو خضار بتتقطع وتتحط في مياه وتترك من الليل إلى الصباح على سبيل المثال، ثم تشرب هذه المياه أو بعد فترة صيام كبيرة على معدة فارغة في اعتقاد منهم أنها تقوم بتنظيف الجسم من السموم.

طبقاً لجامعة هارفارد، وMayo clinic بالإضافة للتقرير اللي نشرته صحيفة الغارديان، فالديتوكس هو مُجرد علم كذاب أو "pseudoscience"، ولا يوجد ما يثبت بالدليل أو بأي أبحاث أي فوائد تعود من منتجات الديتوكس، وهذه مصادر هذا الكلام إذا أردتم التأكد بأنفسكم:

1- ?You can't detox your body. It's a myth. So how do you get healthy

2- Nutrition and healthy eating

3- The dubious practice of detox

وده تفسير لأنه:

أولاً:
اللي بيروّجوا لنظرية الديتوكس بيعتمدوا على فكرة تخلص الجسم من السموم اللي فيه أو الـtoxins زي ما بيطلقوا عليها، لكن لو جينا للواقع وللطب الحقيقي الجسم السليم فيه بالفعل آليات شغالة طول الوقت على تنقية الجسم من السموم اللي فيه، وهي الكبد والكلى والجلد والرئتين والجهاز المناعي، ولما بيحصل تعطل لأي عضو فيهم بتحصل مشاكل طبية جسيمة زي الفشل الكبدي أو الكلوي ومشاكلهم، عشان كده مرضى الفشل الكلوي بيحتاجوا غسيل كلوي باستمرار، وطبعاً مفيش أجدعها منتجات للديتوكس ممكن تعالج مشكلة الفشل الكلوي كدليل بسيط يعني.

ثانياً:
الأبحاث بتقول إن الاعتماد على الديتوكس بس وتناوله هو فقط بعد فترة صيام، بيحرم الجسم من مواد غذائية كتيرة محتاجها زي الفيتامينات الأساسية والبروتينات وغيرها، وممكن كمان يدخلك في جفاف شديد في حالة الاعتماد عليه حصرياً.

ثالثاً:
وده الأهم لما هو نظام وهمي وكداب ليه صناعته ومنتجاته الترويج لها ما زال مستمر؟
عشان المنتجين والصناعات دي قايمة على إعلانات ودعاية رهيبة وبتصدر للمشاهد صور من التغييرات الكاذبة في أجسامهم، وكمان الضغط الإعلاني ع المشاهد من خلال البرامج بدايةً من البرامج العملاقة زي أوبرا وينفري للإعلانات الصفرا في كل حتة وقنوات بير السلم.
وأكيد أكيد محدش عايز يخسر السبوبة بتاعته.

______________

ملحوظة: الديتوكس الوحيد الحقيقي الفعّال المعُترف بيه علمياً هو العلاج الطبي المستخدم في علاج المدمنين للمخدرات وده حاجة مختلفة تماماً.

ملحوظة:

التدوينات المنشورة في مدونات هاف بوست لا تعبر عن وجهة نظر فريق تحرير الموقع.

اقرأ أيضاً

اكتظاظ الفصول ونقص كفاءة المعلمين.. كيف أصبحت المدارس التجريبية بمصر

إلغاء شرط عقد الزواج لدخول الفنادق يثير الجدل بالمغرب.. مصدر