مي حلمي: "هرجع لمحمد رشاد حتى لو مش عاوز".. تصريح جديد للإعلامية المصرية
الإثنين, 10 ديسمبر 2018

صورة جديدة لمي حلمي وردّ مفاجئ: «هرجع لمحمد رشاد حتى لو مش عاوز»

عربي بوست

نشرت الإعلامية المصرية مي حلمي صورة جديدة لها على حسابها في إنستغرام وهي ترتدي خاتماً يشبه خاتم الخطوبة في يدها اليمنى.

ولفتت هذه الصورة أنظار متابعي حلمي التي ألغي زفافها من المغني المصري محمد رشاد قبل ساعات قليلة من الحفل بسبب مشاكل لم يفصحا عنها بشكل واضح.

مي حلمي: «هرجع لمحمد رشاد حتى لو مش عاوز»

وفيما علّقت إحدى متابعات حلمي على صورتها الجديدة: «يا مي إرجعي لرشاد ما تخليش حاجات تافهة تخسركم بعض، الحب بيجي مرة واحدة»، ردّت عليها الإعلامية المصرية الصغيرة: «ما قدرش مارجعش حتى لو هو مش عاوز هرجع، الحب ما بيتبعش».

وقد يكون هذا الردّ بداية الوصول إلى حلّ بين حلمي ورشاد بعد الأزمة التي حصلت بإلغاء حفل زفافهما.

وقبل أيام، أعلن المغني الشاب (31 عاماً) عن اقتراب إطلاق أغنية «إحساسي» عبر أكثر من منشور وStory نشرها عبر حسابه على إنستغرام.

وروَّج لأغنية «إحساسي» التي كان مقرراً أن يهديها لخطيبته مي حلمي في حفل زفافهما، مؤكداً اقتراب طرحها عبر شاشة قناة «مزيكا».

برنامج مي حلمي الجديد

في الوقت نفسه تحاول خطيبته السابقة مي حلمي تجاوز الأزمة هي الأخرى عبر برنامج جديد.

إذ نشرت حلمي الثلاثاء 30 أكتوبر/تشرين الأول 2018، صورة لها عبر إنستغرام، معلِّقة عليها «حان الوقت الذي أزفّ إليكم به أخباراً جميلة».

View this post on Instagram

وجه الوقت الي اقولكم خبر حلو اتعاقدت علي برنامج جديد مختلف عن الكوره تماما لاول مره هتشوفوني في برنامج اجتماعي "ضحك وتمثيل وبيناقش مشاكلنا" وقضايا المرأه والرجاله كمان في قناه جديده وكبيره ومحترمه علي قد ما كنت خايفه علي قد ما من اول حلقه فرحت واتبسط بكل الناس الي موجوده في القناه وزمايلي وكل حاجه الحمدلله …. صورنا اول حلقات خلاص هيتعرض خلال الايام الي جايه … ودي اول حاجه اتعلمتها اني اقول الحاجه بعد ما اعملها او الاوقع بعد ما خلصت تصوير 🙏🏻 اما اسم القناه هسيبكم تخمنو لحد مايتزاع البرومو اللهم لك الحمد مين هيقول مبروك ؟ 🙏🏻 #بتاعت_الراديو

A post shared by Mai Helmy (@maihelmy.official) on

وقالت إنها وقَّعت عقداً لبرنامج جديد مختلف عن مجال كرة القدم والرياضة، حيث سيكون برنامجاً اجتماعياً مليئاً بالضحك والتمثيل.

وذكرت أن برنامجها الجديد سيناقش قضايا المرأة والرجال في قناة جديدة وكبيرة ومحترمة، بحسب وصفها، دون أن تذكر اسم البرنامج أو القناة.

إلغاء زفاف محمد رشاد ومي حلمي

جرى إلغاء زفاف محمد رشاد ومي حلمي قبل ساعاتٍ قليلة من الحفل، بسبب خلاف على «قائمة المنقولات ومؤخر الصداق»، كما تناقلت بعض المواقع الإخبارية.

إلى أن كشف نجم Arab Idol السبب الحقيقي وراء ذلك، وهو إهانة مي لأهله.

وأصدر بياناً هاجم المذيعة ريهام سعيد، بعد أن اتَّهمته بالتخلي عن مي يوم زفافهما، وقال فيه: «إن كرامتي وكرامة أهلي تعنيني جداً وتهمني بعيداً عن كل المهاترات اللي تم نشرها خلال الأيام اللي فاتت».

لكن هذا البيان تعارَضَ مع التصريحات التي كان رشاد أدلى بها مسبقاً، على لسان مدير أعماله، بأن سبب إلغاء الحفل هو حدوث حالة وفاة في الأسرة.

بينما تحدَّثت مي عن مشاعرها وما وصفته بـ «وجع كسرة الفرحة»، وتهافت الجميع إلى السبق الصحافي من دون مراعاة شعورها.

وذكرت أن أول من أساء إليها وأطلق شائعات ونقل كلاماً غير صحيح على لسانها هم المقربون.

وتساءلت: «عارفين يعني إيه بعد ما ألبس فستاني أقلعه»، مضيفةً أنها كانت على بُعد خطوة واحدة من تحقيق أمنية عمرها التي انتظرتها 4 أعوام.

View this post on Instagram

مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي … كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ….. ازاي ؟ ازاي قدرتو تعملو كده لكل الناس واولهم القريبين ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ….. ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر …. بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين … في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا …. ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد … كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا فرحه فستان #بتاعت_الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه…. نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل اكيد هنطلع ونتكلم بس ادونا شويه فرصتنا مع بعض بعيد عن الاضواء وعاوزه دعوه حلوه لينا ارجوكم 🙏🏻 #بتاعت_الراديو

A post shared by Mai Helmy (@maihelmy.official) on

اقتراح تصحيح
اقتراح تصحيح
صورة جديدة لمي حلمي وردّ مفاجئ: «هرجع لمحمد رشاد حتى لو مش عاوز»