مسافر عربي لأوّل مرّة في أوروبّا

أكثر موقف ضايقني في الرحلة ببرلين, كان هناك ناس متجمعين حول ما يبدو إنه ساحر, أنا قربت فصاروا الناس يحكولي إذا معك ٥٠ يورو بتربح خمسين, أنا مخّي سكّر وكان معي بالمحفظة ٥٠ يورو فطلتهم, أخذهم الزلمة مني وصار يحرك صناديق عالأرض وقتها فهمت إنه قمار وحكتله ما بدي ألعب, صار الكل يحكيلي إقلب الصندوق بتربح وأنا أحكي ما بدّي, بالآخر قلبته وصاروا يحكولي إنه خسرت و مافي مصاري, كان قريب مني مجموعة ناس تعرّفت عليهم الصبح, وساعدوني بالمناوشة إلى أن رجعولي المصاري. بعد هاي الحادثة عرفت إنه يكثر في أوروبّا النشّالين وكل من حولهم يكونون جزء من الخطة للنصب على السائح المسكين! العبرة المستفادة, لا تخرج أموالك بالشارع لأي كان ولا تثق بأحد لا تعرفه, وأستشهد بهاي اللحظة بفلم Taken.

قبل ما أزور ألمانيا كنت أسمع عن برود الشعب الألماني وإنه شعب يصعب التعامل معه, وسمعت انه لو حاولت التكلّم معهم بالإنجليزية ما رح يرضوا يحكوا.. طلعت كلها إشاعات, لا تسمع من حدا ما جرّب يروح.. من المواقف اللطيفة التي عايشتها مع اثنين ختايرة هناك لمّا كنت داخل أحد المولات, فتحت الباب الخارجي وكان زوج الختايرة خلفي, بقيت ماسك الباب إلى أن دخلوا والموقف بالنسبة لي عادي جداً وأي حدا ممكن يعمله لكن اكتشفت إنه هاي المواقف نادرة الحدوث, كتير انبسطوا وصاروا يمدحوني وركضوا للباب الداخلي وفتحولي اياه وشكروني عاللي عملته ووقتها أنا شعرت بالسعادة.. إسعاد الناس يجلب أوتوماتيكيا السعادة.. فلا تنسى وإنت مسافر تترك بصمة ولو في شخص 🙂

النداء الأخير لركّاب الطائرة رقم: ٩٦٢ والمتوجّهة إلى: عمّان *الطائرة تقلع*

ملحوظة:

التدوينات المنشورة في مدونات هافينغتون بوست لا تعبر عن وجهة نظر فريق تحرير الموقع.