أعلنت الفنانة والمطربة المصرية زيزي عادل، الإثنين 18 أبريل/نيسان 2022، اعتزال الغناء، وذلك في مقطع فيديو نشرته على صفحتها الرسمية بموقع "إنستغرام".
الفنانة زيزي عادل قالت في مقطع الفيديو: "أنا طالعة أقول خبر مهم جداً أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".
زيزي عادل تعتزل الغناء
كذلك قالت الفنانة المصرية: "يمكن القرار ده ما أخدتهوش إمبارح يعني، أخدته من فترة كبيرة، أنا مطلعتش أقولكم الخبر ده، لإني كنت حابة أتكلم مع نفسي ومع الناس القريبة مني جداً، والناس دي دعمتني جداً لما قولتلهم القرار ده، وشجعوني جداً إني أعمل كده، أنا ببعد عن أكتر حاجة من أكتر من المغريات في الدنيا، اللي هي الشهرة، وهبعد عن الشهرة والأضواء والفنانين، اللي هي الناس بتقرب منها".
الفنانة والمطربة زيزي عادل أضافت كذلك: "الفترة اللي فاتت قربت من ربنا جداً، ولقيت القرآن بيقولي إني لازم أكون ملتزمة، لازم أكون على قد ما أقدر، ملتزمة".
كما قالت: "قررت أسيب مهنة المطربة، والقرار أنا مخدتهوش إمبارح، أنا وخداه من فترة كبيرة جداً، بس يمكن مطلعتش قلت وقتها؛ لأني كنت حابة أتكلم مع نفسي ومع الناس القريبة أوي، الناس القريبة مني عارفين نَفسهم، ولما قلتلهم على القرار شجعوني ودعموني كمان، ويمكن قرار الاعتزال ده بيبعدني عن أكتر مغريات الحياة وهي الشهرة والأضواء".
وأضافت في حديثها للجمهور: "أنا ببعد عن الفن عشان بقرّب من ربنا، وبحاول على قد ما بقدر أكون ملتزمة، وهتستغربوا شوية إني طالعة بشعري ومش محجبة، ويمكن ده لأني لسه ربنا لم ينعم عليا بالحجاب، وبدعي ربنا يتممها عليا، وكل حاجة بتيجي خطوة خطوة ومفيش حاجة بتيجي مرة واحدة".
الفن مصدر رزقها
كما أشارت في كلامها، إلى أن الفن مصدر دخلها، قائلة: "أنا عاوزة أقول كمان: الفن هو مصدر دخلي ورزقي، وأنا بسيب حاجة بعيش منها، وسيبتها وعارفة إن ربنا هيرزقني باللي أفضل منها، وأنا راضية جداً عن قراري ومبسوطة جداً بيه، وحابة اللي جاي جداً، وحاسة إن حياتي اختلفت تماماً".
الفنانة المصرية أأضافت: "يمكن لما أخدت القرار تعرضت لمواقف، واللي تسمى اختبار من ربنا، وكان اختبار صعب، والإنسان ضعيف؛ لأن جالي عرض مجاليش وأنا بمارس مهنة الغناء، ولكن -الحمد لله- ربنا كرمنا وقدرت أرفض، من دعم من ناس حواليا". وتابعت: "أنا مش عاوزة أدخل في حتة إن الفن حلال والفن حرام، عشان مبقاش طالعة إني داعية أنا طالعة بتكلم عن نفسى، وإنى بطلت أغنى ودينى بيقولى كده وكل واحد حر في حياته".
في حين اختتمت حديثها: "أنا حابة أموت وربنا راضي عني، ويمكن دي حاجة كلنا بنتمناها، فأنا مش عارفة هأموت امتى، ولكن كل اللي عاوزاه، أكون مستعدة لمقابلة ربنا وأقابله وأنا راضية عن نفسي وحياتي وأفعالي".
يُذكر أن زيزي عادل من مواليد 26 أكتوبر/تشرين الأول 1987، بدأت حياتها الفنية مع برنامج "ستار أكاديمي"، ونجحت في إثبات موهبتها بوقت قصير، ثم انضمت إلى شركة روتانا.