فيه ناس كتير بتسأل: ليه الضجة اللي مغرقة الفيسبوك على وفاة محمد مهدي عاكف، وتصدّر هاشتاغ "مهدي عاكف" تويتر؟! ولو إن خلاص عمره جاب الـ90 سنة، وفيه شباب أصغر منه بكتير مغرق سجون مصر!
رابط للإطلاع
الإجابة: لأن محمد مهدي عاكف وهو في سن الشباب دول لم يعش شبابه هو.. وكان حياته عبارة عن كفاح متتالٍ ضد مصطلحي "الظلم والاستعمار".. ده بغض النظر وبعيداً عن ناحية انتمائه التنظيمي للإخوان أو المناصب اللي تولاها فيها.
لينك للإطلاع
في سنة 1951، وهو عمره 23 سنة، كان تدرّج ليكون رئيس معسكرات جامعة عين شمس لمقاومة "الاحتلال الإنكليزي بالقناة" بالتنسيق مع حركة الضباط الأحرار.
لينك للإطلاع
في سنة 1952، وهو عمره 24 سنة، وبعد قيام ثورة يوليو/تموز 1952، سلّم المعسكرات للواء كمال الدين حسين (من الضباط الأحرار)، الراجل اللي بقى نائب رئيس الجمهورية بعدها.
لينك للإطلاع
في سنة 1954، وهو عمره 26 سنة، قام بتنفيذ عملية إخفاء وتهريب الفريق طيار عبد المنعم عبد الرؤوف (من أكبر مؤسسي حركة الضباط الأحرار).. وده بسبب معارضته لجمال عبد الناصر في بعض أمور إدارة الدولة.
لينك 1
لينك2
في أواخر سنة 1954، وهو عمره 27 سنة، اتحكم عليه في قضية التهريب دي بـ"الإعدام شنقاً".. واتخفف الحكم للمؤبد، وخرج بعدها بـ20 سنة في عهد السادات بالعفو عن 5 سنين فضلوا.
لينك للإطلاغ
سنة 1974، وهو عمره 46 سنة، انتقل للسعودية وبقي مسؤول فعاليات "الندوة العالمية للشباب الإسلامي".. ودي للي ميعرفهاش مؤسسة إسلامية عالمية كبرى بالرياض.
لينك للإطلاع
وهي نفسها المؤسسة دي عضو المنظمات غير الحكومية بالأمم المتحدة.. وتحت لوائها أكتر من 500 منظمة شبابية وطلابية لأعمال "الإغاثة بالعالم الإسلامي"، ولها فروع في معظم الدول.
لينك للإطلاع
في الثمانينات، اتعين مديراً لـ"المركز الإسلامي بميونيخ"، المعنيّ بإنشاء المساجد والمدارس الإسلامية في ألمانيا وبعض دول أوروبا.
لينك للإطلاع
في سنة 1987، فاز كنائب في مجلس الشعب عن دائرة شرق القاهرة.
لينك للإطلاع
في سنة 1992، اتحكم عليه بـ3 سنين في قضية "سلسبيل لبيع الكمبيوتر ولوازمه" مع خيرت الشاطر وحسن مالك، بتهمة إنشاء شركة إسلامية عالمية بهدف "التمكين".
لينك للإطلاع
في سنة 2009، تم اختياره في المرتبة الـ12 ضمن 50 شخصية يعتبروا الأكثر تأثيراً في العالم الإسلامي.. في قايمة أصدرها "المركز الملكي للدراسات الاستراتيجية الإسلامية"، وهو مركز الأبحاث الرسمي في الأردن.
لينك للإطلاع
في سنة 2013، بعد أحداث يوليو/تموز، تم القبض عليه وتوجيه 3 تهم له في 3 قضايا؛ وهي كالتالي:
أول قضية هي "إهانة القضاء".. وخد فيها براءة سريعة..
لينك للإطلاع
ثاني قضية وهي "أحداث عنف المقطم والانتماء إلى جماعة محظورة".. وكل اللي فيها خدوا براءة بتاريخ 1 نوفمبر/تشرين الثاني 2016 ، لكن النيابة استأنفت.. ولسه القضية شغالة.
لينك للإطلاع
ثالث قضية هي "التحريض على أحداث مكتب الإرشاد"، واتحكم عليه بالمؤبد ومحكمة النقض "ألغت الحكم"، وفضل محبوس احتياطي على ذمة القضية دي إلى الآن.. (يعني هو كان محبوس احتياطي مش بحكم).
لينك للإطلاع
الراجل كان مريض بـ"سرطان البنكرياس"، واللي معدل الوفاة منه 100% (حسب آخر ورقة بحثية لجمعية السرطان الأميركية ).. واللي زيه وفي مرحلته من المرض بياخد كيماوي لحد آخر يوم في عمره، وبيموت في بيته معزّز مكرم عشان الآلام والأعراض المصاحبة للمرض.
لينك للإطلاع
لكن، على الرغم من عشرات التظلمات والالتماسات محدش استجاب! آخرها من كام يوم، الرفض بتاع القاضي محمد شيرين فهمي.. وكمان مدير مستشفى قصر العيني الفرنساوي.. اللي قال: "لأااا" دي حالته مستقرة وكويسة!
لينك للإطلاع
استجابوا بالعفو الصحي لمبارك اللي بهدل البلد 30 سنة (بشهادة السيسي نفسه)، ودلوقتي قاعد بيلعب مع أحفاده في الساحل الشمالي!
لينك للإطلاع
واستجابوا لهشام طلعت مصطفى اللي جريمة القتل كانت صوت وصورة في دبي.. وطالع لنا بالشورت دلوقتي في أحد منتجعاته!
لينك للإطلاع
آه.. مهدي عاكف هو اللي قال: "طظ في مصر" لما سألوه عن رأيه في أن يحكمها قائد مسلم غير مصري.
لينك للإطلاع
وعلى الرغم من أن "صلاح الدين" و"قطز" وغيرهما كتير مسلمين حكموا مصر والتاريخ مجّدهم بره وجوه.. لكن استقرت جملة "طظ في مصر" بالأذهان وراح منها المغزى اللي ورا الكلام.
لينك للإطلاع
وعلى فكرة، اترفع عالراجل قضية بسبب الموضوع ده، واتحكم لعاكف بالبراءة من التهمة.. وده للناس اللي معندهاش إلا مصطلح "نزاهة القضاء المصري".
لينك للإطلاع
الراجل ده زيه كتير في السجون واللي آخر تقرير لحقوق الإنسان حصرهم باكتر من 60 ألف مصري مسجون بأحكام سياسية، بيعانوا الظلم والمرض وظروف الحبس غير الآدمية.
لينك للإطلاع
واللي الإدارة الأميركية (حليفة مصر حالياً) أخدت بالتقارير دي، وخفضت المنح الممنوحة لها، وأعلنت بالفم المليان أنه بسبب التأكد -بما لا يدع مجالاً للشك- من "كثرة الانتهاكات الموثَّقة لحقوق الإنسان"، وخاصة الاعتقالات السياسية والتعامل مع المسجونين، أبرزهم "آية حجازي" اللي استقبلها ترامب، وكان ورا خروجها من السجن.
http://bit.ly/2xubdkv
أخيراً، محدش فينا ملوش واحد أو اتنين أو عشرة مسجونين سياسياً من بعد 2013، وقلوبنا كلنا بتتقطع عليهم.. والله، نفسنا بس حد من النظام ده يقولنا المسجونين دول يعملوا إيه عشان يطلعوا أو نعملهم إحنا إيه وإحنا نعمله ويطلعوا؛ لأن الظاهر إن قصة مهدي عاكف هتبقى هي نهاية كتير من اللي ورا السجون أيا كان انتماؤه.. وربنا يخلف ظني.
انشروها لعل حد يستجيب..
ملحوظة:
التدوينات المنشورة في مدونات هاف بوست لا تعبر عن وجهة نظر فريق تحرير الموقع.
